Býharestte XXI Halyqaralyq jasóspirimder arasyndaǵy jaratylystaný-ǵylymı olımpıadasy (IJSO) aıaqtaldy.
Bul bedeldi bilim saıysyna álemniń 60 elinen 360-tan astam oqýshy qatysyp, fızıka, hımıa jáne bıologıa pánderi boıynsha óz bilimderin kórsetti, dep habarlaıdy aqshamnews.kz Oqý-aǵartý mınıstrliginiń baspasóz qyzmetine silteme jasap.
Qazaqstan quramasynda alty oqýshy boldy. Saıys qorytyndysy boıynsha bizdiń oqýshylar 100% nátıje kórsetip, alty medal jeńip aldy:
Aızere Jeńisqanova – Óskemen qalasyndaǵy HBN NZM-niń 10-synyp oqýshysy;
Ádil Jıenbaev – Almaty qalasyndaǵy RFMM-niń 10-synyp oqýshysy;
Anastasıa Ponomareva – Astana qalasyndaǵy RFMM-niń 9-synyp oqýshysy;
Ábdijan Ibraımov – Astana qalasyndaǵy «NURORDA» mektep-lıseıiniń 9-synyp oqýshysy;
Munar Saǵymbaı – Almaty qalasyndaǵy RFMM-niń 10-synyp oqýshysy;
Álıhan İskendir – Aqtóbe oblystyq daryndy balalarǵa arnalǵan «Bilim-ınnovasıa» lıseı-ınternatynyń 9-synyp oqýshysy.
Komanda jetekshileri:
• Samat Muratbekuly Maqsutov – PhD doktory, SDU dosenti;
• Aıdos Bekzatuly Sársenbaı – Sh. Esenov atyndaǵy Kaspıı tehnologıalar jáne ınjınırıń ýnıversıtetiniń stýdenti, halyqaralyq jáne respýblıkalyq olımpıadalardyń jeńimpazy;
• Muhammedáli Ǵanıuly – SDU stýdenti, halyqaralyq jáne respýblıkalyq olımpıadalardyń jeńimpazy.
Anyqtama:
IJSO - 15 jasqa deıingi mektep oqýshylaryna arnalǵan halyqaralyq ǵylymı saıys. Bul olımpıada 2004 jyldan beri ótkizilip keledi. 2023 jyly Bangkokta ótken jarysta Qazaqstan quramasynyń barlyq alty qatysýshysy júldeger atanǵan bolatyn. Bıyl da oqýshylar Astanada eki aptalyq oqý-jattyǵý jıyndarynan ótip, el namysyn abyroımen qorǵady.