Almatynyń Qala qurylysyn baqylaý basqarmasy Qaraǵaıly shaǵyn aýdanyndaǵy AKH «Chapaeva», ýchaske 426, 504 mekenjaıynda ornalasqan turǵyn úı keshenin buzý jumystarynyń bastalǵany týraly málim etti, dep habarlaıdy aqshamnews.kz.
Buǵan deıin júrgizilgen jospardan tys tekserý barysynda tapsyrys berýshi (jeke tulǵa) turǵyn úı keshenin SJT-syz, joba eskızin kelisýsiz, qurylys-montaj jumystarynyń bastalǵany týraly habarlamasyz jáne tıisti saraptamasyz salǵany anyqtaldy.
Tapsyrys berýshige qatysty ákimshilik sharalar qoldanylyp, Almaty qalasynyń Mamandandyrylǵan aýdanaralyq ekonomıkalyq sotyna ǵımaratty súrý týraly talap aryz berildi.
2023 jyldyń 26 shildesinde Almaty qalasynyń Mamandandyrylǵan aýdanaralyq ekonomıkalyq sotynyń sheshimimen talap qanaǵattandyryldy. 2023 jyldyń 26 qazanynda Almaty qalalyq soty birinshi satydaǵy sheshimdi ózgerissiz qaldyrdy. 2024 jyldyń 30 qańtarynda atqarý paraǵy Almatynyń Ádilet departamentine joldanyp, atqarýshylyq is qozǵaldy.
Búgin súrý jumystary sot oryndaýshylarynyń qatysýymen bastaldy.
Esterińizge sala keteıik, Almaty ákimi Erbolat Dosaevtyń qurylysqa baqylaýdy kúsheıtý jónindegi tapsyrmasy aıasynda ótken jyldyń basynan beri 55 zańsyz nysan, onyń ishinde «Mechta», KHAN, «Alma Garden» turǵyn úı keshenderi jáne basqa da nysandar tolyq nemese jartylaı súrilgen.