Qazaqstanda vaýcherlik qarjylandyrý ádistemesin qoldana otyryp, mektepke deıingi tárbıe men oqytýǵa memlekettik tapsyrysty derbestendirý boıynsha jumys jalǵasýda.
Búgingi tańda mektepke deıingi bilim berýdi vaýcherlik qarjylandyrý júıesi Taraz (Jambyl oblysy), Túrkistan Shymkent, Oral qalalarynda pılottyq joba sheńberinde iske asyrylýda, dep habarlaıdy aqshamnews.kz.
Oqý-aǵartý mınıstrliginiń málimetinshe, 20 qarashadan bastap Oral qalasy Mektepke deıingi tárbıe men oqytýǵa vaýcherlik qarjylandyrý engiziletin pılottyq qalalardyń birine aınaldy, bul 3 177 vaýcher berýge múmkindik berdi.
Qazirgi ýaqytta Oraldaǵy barlyq 185 mektepke deıingi uıym vaýcherlik mehanızm boıynsha qarjylandyrylýda.
Esterińizge sala keteıik, engizilip jatqan vaýcherlik qarjylandyrý júıesi barlyq mektepke deıingi bilim berý uıymdaryna belgilengen talaptarǵa saı bolǵan jaǵdaıda búdjettik qarjylandyrýǵa qol jetkizýge múmkindik beredi.
Ata-analarǵa balabaqshany óz betinshe tańdaý múmkindigi beriledi, bul tek jeke ǵana emes, sonymen qatar memlekettik mektepke deıingi uıymdar arasynda da básekelestiktiń qalyptasýyna yqpal etedi.
Júıe eń aldymen, «Balaǵa beriletin aqsha» qaǵıdatymen búkil qarjylandyrý prosesiniń ashyqtyǵyn qamtamasyz etetin shartty qarastyrady. Qarajatty esepteý jáne aýdarý ata-analardyń balanyń balabaqshaǵa barý tabelindegi málimetterdi rastaǵannan keıin ǵana júrgiziledi. Aıta keteıik, vaýcherlik qarjylandyrý mehanızmin masshtabtaý óńirlerdiń daıyndyǵyna qaraı kelesi jyldan bastap josparlanǵan.
Anyqtama: Qazaqstanda 11 642 mektepke deıingi uıym jumys isteıdi, onyń ishinde 2 jastan 6 jasqa deıingi balalardyń 92,5%-y mektepke deıingi tárbıemen jáne oqytýmen qamtylǵan.