2024 jyly 6 jeltoqsanda Fitch halyqaralyq reıtıń agenttigi Almaty qalasynyń kredıttik reıtıńin «BBB» deńgeıinde rastady, boljamy «Turaqty».
Bul rette, Almaty qalasynyń táýelsiz kredıttik reıtıńi «BBB+» deńgeıinde rastaldy, dep habarlaıdy aqshamnews.kz.
Almaty qalasynyń joǵary táýelsiz kredıttik reıtıńi ekonomıkanyń dınamıkalyq damýy, jergilikti búdjettiń edáýir ósýi jáne búdjettiń tómen qaryz júktemesimen negizdelgen, bul «AAA» sanatyna sáıkes keledi.
2024 jyldyń 10 aıynda qalanyń qysqamerzimdi ekonomıkalyq kórsetkishi 5,2%-ǵa deıin jedeldedi. Ósý bıznestiń jáne ınvestısıalyq belsendiliktiń artýymen qatar júrdi. Negizgi kapıtalǵa salynǵan ınvestısıa 8,2%-ǵa ósip, 1,3 trıllıon teńgege jetti. 2024 jyldyń 11 aıynyń qorytyndysy boıynsha jergilikti búdjettiń kirisi 21,2%-ǵa artyp, 1 753 mıllıard teńge boldy.
«BBB+» deńgeıindegi táýelsiz kredıttik reıtıń Almaty qalasynyń ákimdigine iri ınfraqurylymdyq jobalardy júzege asyrý jáne damytý úshin jasyl oblıgasıalar shyǵarýǵa múmkindik beredi.
Fitch reıtıńiniń jarıalanymyn myna silteme arqyly oqı alasyz: https://www.fitchratings.com/research/international-public-finance/fitch-affirms-city-of-almaty-at-bbb-outlook-stable-06-12-2024.