2023 jylǵy qazanda esirtki bıznesine qarsy is-qımyl salasyndaǵy ulttyq qaýipsizdik komıteti birqatar operasıalardy iske asyrdy.
Sıntetıkalyq esirtkiniń 5 qoldan jasalǵan óndirisiniń jáne 1 kannabıs ósirýge arnalǵan fıtolaboratorıanyń zańsyz qyzmeti beıtaraptandyryldy, dep habarlaıdy Almaty-akshamy.kz UQK baspasóz qyzmetine silteme jasap.
Belarýs, Qyrǵyzstan, Reseı jáne Ózbekstannyń quzyretti organdarymen birlese halyqaralyq esirtki trafıginiń 6 arnasy joıyldy.
Atalǵan arnaıy operasıalar barysynda 23 kúdikti ustaldy.
Zańsyz aınalymnan 300 kg-ǵa jýyq esirtki jáne psıhotroptyq zattar, sondaı-aq «sıntetıka» jasaýǵa arnalǵan 1 tonnadan astam hımıalyq prekýrsorlar tárkilendi.