Almatyda «Halyq qatysatyn búdjet» aıasynda qalalyq ortany damytýǵa 400-den astam ótinim tústi
Almatyda aýdan aýmaǵyn damytý men abattandyrýdy kózdeıtin «Halyq qatysatyn búdjet» jobasynyń aralyq qorytyndysy shyqty, dep habarlaıdy almaty-akshamy.kz
Bıyl 1 qyrkúıekten bastap turǵyndardan budget.open-almaty.kz ınternet portalyna 682 usynys túsken. Ótinim 20 qyrkúıekke deıin qabyldanady.
Bastamalardyń kóbi Jetisý (218), Naýryzbaı (148), Alataý (124), Almaly (45) jáne Túrksib (44) aýdandarynyń turǵyndarynan kelip tústi.
Almatylyqtardyń usynysy negizinen balalar men sport alańdaryn salý nemese jóndeý; qoǵamdyq oryndarda besedkalar, oryndyqtar, qoqys jáshikterin ornatýǵa; aýmaqty kógaldandyrýǵa, trotýarlardy, aryqtar men pandýstardy salýǵa jáne jóndeýge qatysty boldy.
Usynystardy turǵyndar budget.open-almaty.kz ınternet portaly arqyly ózderi usynǵan. Ol úshin tirkelip, ótinimdi toltyryp, jobalyq usynystyń ataýy men qunyn, sıpattamasyn, nysannyń mekenjaıyn kórsetip, usynystyń nobaıy men smetasyn (shamamen eseptelgen) tirkeý qajet.
Jobalyq usynystar kelesi sanattar men krıterıılerge sáıkes kelýi kerek:
1) kógaldandyrý;
2) trotýarlardy jaılastyrý;
3) trotýarlardy, pandýstardy, aryqtardy salý jáne jóndeý;
4) ortaq paıdalanylatyn oryndardy (saıabaq, skver, jaıaý júrginshiler aımaǵy, kóshe jáne t.b. nysandardy) qurý, jóndeý jáne jaryq tartý;
5) jıektastardy, kespe tastardy, tireýish qabyrǵalaryn jóndeý;
6) kúresinderdi joıý;
7) balalar oıyndary men eresek turǵyndardyń demalysyna arnalǵan besedka, oryndyq, qoqys jáshikterdi, jabdyqtar men konstrýksıalardy jalpy paıdalanylatyn oryndarda ornatý jáne jóndeý;
8) aýla aýmaqtarynda jáne jalpy paıdalanylatyn jerlerde sport alańdaryn (trenajer alańdaryn, fýtbol, basketbol, voleıbol alańdaryn), balalar oıyn alańdaryn ornatý, jóndeý jáne jaryq júrgizý;
9) tazalyqty qamtamasyz etý.
Bir jobalyq usynysty iske asyrýdyń quny 86,2 mln teńgeden (25 myń AEK) aspaýǵa tıis. Bir avtor bir jobaǵa ótinish bere alady. Sonymen qatar, bul jalpy paıdalaný nysany bolýy kerek jáne ony júzege asyrý sol aýmaq turǵyndaryna mańyzdy bolýy kerek ári jeke komersıalyq sıpatta bolmaýy kerek.
Ótinim qabyldaý merzimi aıaqtalǵannan keıin qala turǵyndarynyń barlyq jobalyq usynysyn árbir aýdan ákimdigi janynan qurylǵan saraptamalyq komısıalar qaraıdy. Saraptamalyq komısıalardyń quramyn 2023 jylǵy «Jobalar boıynsha materıaldar» bóliminen kórýge bolady.
Saraptamalyq komısıalardyń baǵalaý nátıjesi boıynsha «Halyq qatysatyn búdjettiń» krıterııine, sanaty men shartyna sáıkes jobalar daýys berý kezeńine deıin jiberiledi. Qala úshin eń basym jobalar úshin onlaın daýys berý osy jyldyń 13-23 qazan aralyǵynda ótedi.
«Halyq qatysatyn búdjet» boıynsha keńesti aýdan ákimdikterinen nemese Open Almaty ákimdiginiń qoǵamdyq qabyldaý bólmesinen myna telefon nómirleri arqyly alýǵa bolady: 224 39 29 (ishki. 203, 127), 1308.