Almaty ákimi «Halyq qatysatyn búdjet» baǵdarlamasyndaǵy ózgeristerge toqtalyp ótti.
Bul týraly qala basshysy Jetisý aýdany turǵyndarymen ótken kezdesýde aıtty, dep habarlaıdy Almaty-akshamy.kz.
«Bul joba sizderdiń oń pikirlerińizdi aldy. Sondyqtan men bıyl qosymsha 7 mlrd teńge bólý týraly sheshim qabyldadym. Sonyń ishinde Jetisý aýdanyna 875 mln teńge bólinedi. Bul qarajat sizder bastama kóterip otyrǵan jobalardy kóptep iske asyrýǵa múmkindik beredi», - dedi Almaty ákimi Erbolat Dosaev.
Naýryz aıynda baǵdarlama aıasynda alǵashqy ótinimder qabyldandy. Aýdan turǵyndarynan 120 ótinim tústi. Daýys berý qorytyndysy boıynsha sizder 3 226 daýys bergen 18 joba oryndalatyn bolady. Onyń ishinde – qoqys konteınerlerin qazyp ornatý (Qulager, Kókjıek, Kókmaısa shaǵynaýdandary jáne t.b.); skverler men parkterdi abattandyrý (Kemel shaǵynaýdany, Rysqulov dańǵyly – Gastello kóshesi); ıtterdi serýendetýge arnalǵan alań salý (Aınabulaq-3 shaǵynaýdany) jáne basqa da jobalar bar. Bul jobalar bıyl iske asyrylady.