İriktelip alǵan 19 jobanyń 18-i aıaqtaldy.
Almaty ákimi Erbolat Dosaev Medeý aýdanynyń turǵyndarymen kezdesý barysynda «Halyq qatysatyn búdjet» baǵdarlamasy aıasynda 2022 jyly qansha joba iriktelip alynǵany jáne oǵan qansha qarajat jumsalǵany jaıynda aıtty, dep habarlaıdy Almaty-akshamy.kz.
««Halyq qatysatyn búdjet» baǵdarlamasy aıasynda 2022 jyly 800 mln teńgege 19 joba iriktelip alyndy. Onyń 18-i aıaqtaldy, bir joba boıynsha jumys júrip jatyr. Bul - Tiksaı ózeniniń jaǵalaýyn abattandyrý. Jumystardy osy jyldyń qazan aıynda aıaqtaýdy josparlap otyrmyz»,- dedi qala ákimi.
Sonymen qatar, ákimniń aıtýynsha, aǵymdaǵy jóndeý jumystary aıasynda jalpy somasy 493 mln teńgeni quraıtyn 23 joba boıynsha jumystar júrgizilip jatyr. Onyń ishinde – Kishi Almaty ózeniniń jaǵalaýyn abattandyrý jáne 20 aýlany jóndeý jobasy bar. Bul jumystar bıylǵy jyldyń qazan aıynyń sońyna deıin aıaqtalady.
«Halyq qatysatyn búdjet» baǵdarlamasy sheńberinde kelip túsken 128 ótinim boıynsha daýys berý aıaqtaldy, onyń ishinen búgingi kúni komısıa aldyn ala iriktep aldy. «Halyqtyq qatysatyn búdjet» baǵdarlamasy sheńberinde kelip túsken 128 ótinim boıynsha daýys berý aıaqtaldy, onyń ishinen búgingi kúni komısıa aldyn ala 2023 jyly 800 mln teńgege júzege asyrylatyn 30 jobany iriktep aldy»,- dedi Erbolat Dosaev.