Oryn tapshylyǵyn tómendetý maqsatynda qazirgi ýaqytta jumystar qolǵa alynǵan.
Almaty ákimi Erbolat Dosaetyń Medeý aýdany turǵyndarymen ótken kezdesýinde bilim berý nysandaryndaǵy oryn jetispeýshiligi máselesi sóz boldy, dep habarlaıdy Almaty-akshamy.kz.
Qala basshysynyń aıtýynsha, №48 mektep-lıseıinde kúrdeli jóndeý júrgizilýde, ol aıaqtalǵannan keıin 210 jańa oqýshy orny ashylady. Jumystar aǵymdaǵy jyldyń 30 qarashasyna deıin aıaqtalady.
«№131 mektep-lıseıiniń aýmaǵynda seısmıkalyq kúsheıtýmen qosa kúrdeli jóndeý júrgizilýde. Bul jumystardy 2023 jyldyń III toqsanynda aıaqtaýdy josparlap otyrmyz. Budan basqa, №131, №35 jáne №99 mektepter boıynsha 2023 jyldyń II toqsanynda 800 jańa orynǵa arnalǵan úsh qosymsha qurylys salýǵa jobalaý-smetalyq qujattamany (JSQ) ázirleý aıaqtalady. Oqýshy oryndarynyń jetispeýshiligi máselesi "Dýman" yqshamaýdanynda da sheshiletin bolady, onda 1200 oryndyq jańa mektep salynady. Qurylys jumystaryn bastaý 2023 jyldyń İİ toqsanyna josparlanǵan», - deıdi qala ákimi Erbolat Dosaev.
Mektepke deıingi bilim berý mekemelerinde oryn tapshylyǵyn tómendetý úshin bıylǵy jyly №114, №116 jáne №141 memlekettik balabaqshalarda kúrdeli jóndeý jumystary aıaqtalyp, onda jańa 135 oryn ashyldy.
Sonymen qatar, bıyl 400 oryndyq 2 jekemenshik balabaqsha komýnaldyq menshikke qaıtaryldy. Olardyń biri - "Áıgerim" balabaqshasy (280 oryn) memlekettik baǵdarlama aıasynda óz jumysyn bastady. Ekinshi «Aqmaral» balabaqshasy (120 oryn) bıylǵy jyldyń sońyna deıin ashylady.
Budan basqa, bıyl qosymsha 457 oryndy quraıtyn 10 jańa jekemenshik balabaqsha ashyldy. Sondaı-aq jyl sońyna deıin 250 oryndyq taǵy bir jekemenshik balabaqsha ashý josparlanyp otyr.