Mamandar órtti 6 mınýtta óshirgen.
Órt aýmaǵy 3 sharshy metr boldy, dep habarlaıdy Almaty-akshamy.kz
«Oqıǵa Bostandyq aýdanynda Volodarskıı kóshesiniń boıyndaǵy Forum turǵyn úı kesheninde bolǵan. 31 qańtarda saǵat 12:45-te Bostandyq aýdany, Volodarskıı kóshesi, 33-úıdiń mańyna órt sóndirý bólimsheleri jiberildi. Saǵat 12:54-te kelgen kezde GAZel avtokóligi ashyq jalynmen janyp jatqany anyqtaldy», - dedi Almaty qalasy Tótenshe jaǵdaılar departamenti ókilderi.
Qoldanylǵan sharalardyń arqasynda órt sóndirildi. Órt sóndirýshiler kelgennen keıin 6 mınýttan soń sóndirilgen.
«Mundaı kezde oqıǵa kýágerlerine ýaqyt joǵaltýdyń qajeti joq, «101» kezekshi bólimine habarlaý, qaýipsiz qashyqtyqqa barý qajet ekenin eske salamyz. Oqıǵa ornyna jaqyn jerde kameraǵa túsirý ómirge qaýip tóndirýi múmkin», - dedi Almaty qalalyq TJD ókilderi.