Júırikte de júırik bar, qazanaty bir bólek!
Qazaqtyń qazanat jylqy tuqymyn jańǵyrtý úshin arnaıy Jol kartasy ázirlenýde, dep habarlaıdy Almaty-akshamy.kz Qazaqtv.com saıtyna silteme jasap.
Osydan 6 myń jyl buryn Qambar ata tóli tuńǵysh ret Qazaqstan jerinde qolǵa úıretilgeni ǵylymı dáleldengen.
Osylaısha babalarymyz qamys qulaq, bóken qabaq, jibek jal, kúpshek san, quıma tuıaq dep sıpattap, Qabanbaı mingen Qýbastyń, Aqan seri taqymdaǵan Qulagerdiń, Qobylandynyń Taıbýrylynyń izi bolar taza qandy arǵymaqtardy shyǵardy.
Búginde «qostanaılyq» dep atalatyn qazaqtyń asyl tuqymdy attaryn saqtap, damytý memlekettik deńgeıde qolǵa alynǵan.
«Premer-Mınıstrdiń orynbasary Eraly Luqpanuly Toǵjanov osyǵan baılanysty beıresmı, resmı birneshe jınalys jasap, memlekettik quzyrly organdarǵa tapsyrma berdi. «Qostanaı» tuqymyna jaı jylqy emes, brendimiz, Táýelsizdiktiń 30 jyldyǵynda shyǵarǵan úlken bir dúnıemiz retinde qaraýdy tapsyrǵan hattamalar shyqty. Bul Jol kartasy birneshe jumysty qamtıdy. Onyń ishinde seleksıalyq jumystardy kúsheıtý jáne zaýyttyń ómirin qaıta qalpyna keltirý bar», - dedi QR Ulttyq sport qaýymdastyǵynyń atqarýshy dırektory Rahat Jaqsybaı.