Samıt vırtýaldy formatta ótedi dep kútilýde.
Aldaǵy ýaqytta COVID-19 pandemıalyq samıtinde Amerıka Qurama Shtattary ınfeksıanyń taralýyn jeńý úshin álem halqynyń 70% vaksınasıalanýy tıis ekenin moıyndaýǵa qol jetkizbekshi, dep habarlaıdy Almaty-akshamy.kz Interfax.ru saıtyna silteme jasap.
Aq úıdiń baspasóz hatshysynyń orynbasary Karın Jan-Per AQSH-tyń vaksınasıa kórsetkishin 70 paıyzǵa jetkizetinin rastady.
22 qyrkúıekte COVID-19 pandemıasymen jáne jahandyq vaksınasıamen kúreske arnalǵan halyqaralyq samıt ótedi dep josparlanyp otyr.
«Samıt kezinde Prezıdent Baıden memleket basshylaryn, úkimet jáne halyqaralyq uıymdardyń basshylaryn, bıznes kóshbasshylaryn, qaıyrymdylyq uıymdary men úkimettik emes uıymdardy COVID-19 pandemıasyn toqtatýǵa mindetteme alýǵa shaqyrady», - dep jazady The Washington Post gazeti.
Aksıostyń aıtýynsha, Vashıngton samıtke qatysýshy elderdiń COVAX (jahandyq COVID-19 vaksınalarynyń qoljetimdiligi mehanızmi) vaksınany taratýdyń negizgi quraly bolýǵa ýáde berýin qalaıdy.
Sonymen qatar, Baıden komandasynyń maqsaty - baı elderdi artyq vaksınany satpaýǵa, qaıyrymdylyq jasaýǵa kóndirý.
Axios aqparat kózderiniń habarlaýynsha, AQSH Reseı men Qytaıdy samıtke shaqyrýǵa nıetti.