2 041 876 respondent onlaın sanaqtan ótti
Olardyń 1 756 002-si sanaq.gov.kz saıtynda, 203 672-si Egov portalynda tirkelý arqyly jaýap berse, 82 202 adam sanaqqa Aitu qosymshasy arqyly qatysqan, dep habarlaıdy Almaty-akshamy.kz.
12 kúnniń qorytyndysy boıynsha Almaty oblysy alda tur. Onda 204 805 turǵyn sanaqtan ótkeni týraly habarlama alǵan. Onlaın sanaqtan ótken taǵy 194 697 adam Almaty qalasynda tirkelgen. Úzdik úshtikti 173 847 adammen Qyzylorda oblysy túıindedi. Al ázirge sońǵy eki oryndy 46 191 jáne 35 542 adammen Mańǵystaý, Atyraý oblystary enshilep otyr. Jalpy, jergilikti halyq sanyna shaqqandaǵy sanaqtan ótkenderdiń úlesi boıynsha Qyzylorda oblysy alda tur. Onda azamattardyń 21,1 paıyzy saýaldarǵa jaýap bergen (1 tamyzdaǵy jaǵdaı boıynsha, óńirde 823 052 adam tirkelgen). Bul kórsetkish boıynsha Pavlodar oblysy ekinshi orynda. Onda turǵyndardyń 17 paıyzy sanaqtan onlaın rejımde ótken (1 tamyzdaǵy jaǵdaı boıynsha, óńirde 749 754 adam tirkelgen).