Bári de aıtylady.
Halyqtan eshteńeni jasyryp qalmaımyz. Bul týraly «Qazaqstan» telearnasyna suhbat bergen QR Prezıdenti Qasym-Jomart Toqaev aıtty, dep habarlaıdy Almaty-akshamy.kz QazAqparatqa silteme jasap.
«Qazir óte aýqymdy tergeý jumystary júrgizilýde. Bas prokýratýra naqty aqparatty júıeli túrde jarıalap jatyr. Qandaı da nátıje týraly aıtýǵa áli erte. Bul – óte kúrdeli másele. Qazir tergeý qupıa túrde júrgizilip jatyr. Óıtkeni, bul óte erekshe is bolǵandyqtan, biraz ýaqyt kerek. Kóp uzamaı halqymyzdy mazalap otyrǵan suraqtarǵa mindetti túrde jaýap beriledi. Bári de aıtylady. Halyqtan eshteńeni jasyryp qalmaımyz. Qazir tek myna nárseni ǵana aıta alamyn. Bul bizdiń halqymyzdyń qaýipsizdigine, elimizdiń tutastyǵyna tóngen qaýip boldy», - dedi Qasym-Jomart Toqaev.