Tańdandyrǵan talaıdy!
Ár azamat ózi turyp jatqan eldiń tilin, dástúrin qurmetteýi tıis. Bul – Abaıdyń qara sózderin jatqa oqıtyn Dmıtrıı Romashenkonyń pikiri, dep habarlaıdy Almaty-akshamy.kz
Ulty ýkraın Dmıtrıı uly aqynnyń shyǵarmalaryn súıip oqıdy. Búginde Qostanaıda turatyn jigit qazaq tili men ádebıetten sabaq beredi.
Dmıtrıı Romashenko - Reseımen irgeles Fedorov aýdanynyń týmasy. Orystildi ortada ósip, erjetti. Alty jyl boıy orys mektepterinde qazaq tili páninen sabaq beredi.
«Ózim orys mektebinde oqımyn. Biraq Dmıtrıı Sergeevıchtiń sabaǵy maǵan qyzyq jáne qazaq tilin jetik bilemin», - dedi mektep oqýshysy Altynaı Dónenbaeva.
Dmıtrııdiń til úırenýdegi basty ádisi – sózderdi jattaý. Jańa sózdermen kúndelikti jumys isteıdi. Ýkraın jigitiniń qazaq tilinde sanaly túrde oqyǵan alǵashqy kitaby – Shyńǵys Aıtmatovtyń «Jan pıda» romany. Al qazaq tiliniń erekshelikterin, bolmysyn tanýǵa Abaıdyń týyndylary yqpal etken.
«Aqynnyń on altynshy qara sózi: qazaq qulshylyǵym Qudaıǵa laıyq bolsa eken dep qam jemeıdi. Tek jurt qylǵandy biz de qylyp, jyǵylyp, turyp júrsek bolǵany deıdi. Saýdager nesıesin jıa kelgende «tapqanym osy, bittim dep, alsań al, áıtpese, saǵan bola jerden mal qazam ba?» deıtuǵyny bolýshy edi ǵoı», - dedi qazaq tili men ádebıet pániniń muǵalimi Dmıtrıı Romashenko.