Keler jyly barlyǵy 121 demalys kúni bar
2022 jyly 1-2 qańtar – Jańa jyl merekesi kúnderi demalysqa týra keletindikten, qazaqstandyqtar 3-4 qańtar kúnderi de demalady. Sonymen qatar, Qazaqstanda eki dinı mereke kúnderi demalys dep jarıalanǵandyqtan, 7 qańtarda Rojdestvo merekesi jumaǵa túsip, 7, 8, 9 qańtar demalys bolady, dep habarlaıdy Almaty-akshamy.kz Elorda.info saıtyna silteme jasap.
Ári qaraı qazaqstandyqtar Halyqaralyq áıelder kúnine oraı 6, 7, 8 naýryz jáne Naýryz merekesinde 19-23 aralyǵynda 5 kún demalady. 5 naýryz jumys kúni bolyp bekitildi.
Mamyr aıynda 3 mereke kúni bar. Olar:
- 1 mamyr – Qazaqstan halqynyń birligi merekesi;
- 7 mamyr – Otan qorǵaýshylary kúni;
- 9 mamyr – Jeńis kúni.
Alǵashqysy jeksenbige túsetindikten, 2 mamyr kúni - demalys. Al 7 mamyr - Otan qorǵaýshylary kúni men 9 mamyr - Jeńis kúnine oraı 4 kún demalys bolady.
6 shilde – astananyń týǵan kúninde jáne 20 shilde - Qurban aıt merekesinde demalys bolady. Eki mereke de aptanyń sársenbi kúnine túsip tur.
Konstıtýsıa kúni seısenbige túsedi. Premer-Mınıstr qaýlysyna sáıkes, 27 tamyz senbi jumys kúni bolady. Osy oraıda, qazaqstandyqtar merekeniń qurmetine 28, 29, 30 tamyz kúnderi demalady.
Sondaı-aq, Tuńǵysh Prezıdent kúni - 1 jeltoqsanda jáne Táýelsizdik kúnine oraı 16-19 jeltoqsan demalys.
Qazaqstandyqtar 2022 jyly barlyǵy 121 kún demalady. 105 demalys kúni senbi-jeksenbi kúnderiniń esebinen bolsa, 16-sy – mereke kúnderi.