Bul stansıalar qalanyń halyq tyǵyz ornalasqan aýdandarynda tur.
Megapolıs ákimi Baqytjan Saǵyntaev jumys sapary barysynda metropolıtenniń jańa stansıalarynyń daıyndyǵyn tekserip, olardyń tehnıkalyq iske qosylýyna qatysty, dep habarlaıdy Almaty-akshamy.kz
Jańa stansıalar Almaty metropolıteniniń ekinshi iske qosý kesheniniń nysandary bolyp tabylady, onyń daıyndyǵy qazirgi kezde 96%-dan asady.
Jol Abaı dańǵylynyń astynda, Altynsarın dańǵylynan Iassaýı kóshesine deıingi batys baǵytta ornalasqan. Aralyq tonnelderden jáne «Saryarqa» jáne «B. Momyshuly» eki stansıadan turady. Jeli ýchaskesiniń uzyndyǵy – 3.08 km.
«Saryarqa» stansıasy «Femılı» parkiniń aýdanynda ornalasqan, tereń tóselgen, pılon tıpti, qozǵalysy shekteýli toptary úshin 2 lıfti, 8 ekskalatory bar eki kirý tobynan turady.
«B. Momyshuly» stansıasy Abaı dańǵylynyń astynda, Momyshuly kóshesiniń batysynda ornalasqan. Shaǵyn qurylys stansıasy, kolonna tıpti. Ol eki jerasty lobbıinen jáne alty kirý tobynan turady. 6 lıft jáne 15 eskalator qarastyrylǵan.
Búginde negizgi qurylys-montajdaý jumystary aıaqtaldy jáne iske qosý-jóndeý jumystary bastaldy, sáýlet-árleý jumystary, ınjenerlik jeliler, avtomatıka júıeleri jáne paıdalaný jabdyǵyn montajdaý aıaqtala keldi.
Metropolıten jolaýshylaryna jaıly jáne qaýipsiz jaǵdaılar jasaý úshin qoldanystaǵy metropolıtenmen avtomatıka jabdyqtary men júıelerin biriktirýdi, sondaı-aq elektr jyljymaly qurammen joldar boıynsha domalatýdy qamtıtyn iske qosý-jóndeý jumystary qarastyrylǵan.
Bul stansıalar qalanyń halyq tyǵyz ornalasqan aýdandarynda ornalasqan, paıdalanýǵa berý kezinde kútiletin jolaýshylar aǵyny kúnine 40 myń adamnan 86 myń adamǵa deıin artady, bul jalpy qalanyń kóshe-jol jelisi men kólik ınfraqurylymynyń júktemesin birneshe ese azaıtady.
Eske salsaq, buǵan deıin Táýelsizdiktiń 30 jyldyǵyna oraı Tuńǵysh Prezıdent kúni men Almaty metropolıteniniń 10 jyldyǵyna oraı 8 jańa elektr jyljymaly quram paıdalanýǵa berilgen bolatyn. Olardy ońtústik koreıalyq Hyundai Rotem kompanıasy Almaty metropolıteni úshin arnaıy óndirgen. Búginde metropolıtende 15 poıyz jumys isteıdi.