Almaty qalasyna Pavlodar oblysynan arzan baǵada kartop jetkiziledi.
Qala ákimdigi áleýmettik mańyzy bar azyq-túlik taýarlarynyń baǵasyn ustap turý úshin keshendi jumystar júrgizip jatyr. Óńiraralyq kooperasıa sheńberinde, Pavlodar oblysyna sapar barysynda kartop jetkizý týraly kelisimderge qol jetkizildi. Qazirgi ýaqytta taýar óndirýshilermen áleýmettik mańyzy bar ónimniń kólemi men belgilengen baǵasy týraly kelissózder júrgizilip jatyr. Osy oraıda aldyn ala belgili bolǵan derekterge súıenip aıtar bolsaq, satyp alý quny 150 tg/kg bolatyn 6 myń tonnadan astam kartop jetkizý kózdelip otyr. Kartop jeńildetilgen baǵamen «Small» jáne «Toımart» saýda jelilerinde, sondaı-aq qalanyń áleýmettik dúkenderinde satylmaq. Buǵan deıin Almaty jáne Jambyl oblystarynan 1,5 myń tonna pıaz jetkizilgen bolatyn. Onyń sóredegi baǵasy 69-74 tg/kg quraıdy.
Bıylǵy 1 qyrkúıekten bastap 2,5 mlrd. teńgege «forvardtyq» satyp alý sheńberinde «Magným» saýda jelisinde 22 myń tonna ónimdi (kartop – 10 myń tonna, sábiz – 4,2 myń tonna, pıaz – 4,7 myń tonna, qyryqqabat – 3 myń tonna) satý kózdelip otyr . Satý tómendetilgen baǵamen júzege asyrylady (9 aı ishinde, bıylǵy qyrkúıekten 2022 jyldyń mamyryna deıin). Mysaly, qazirgi ýaqytta sórelerdegi baǵalar: kartop – 102 teńge, sábiz – 114 teńge, pıaz – 92 teńge, qyryqqabat – 91 teńge, bul ortasha naryqtyq baǵadan 5-35%-ǵa tómen.
Áleýmettik mańyzy bar azyq-túlik taýarlar baǵasyn turaqtandyrýdyń tıimdi sharalarynyń biri – kásipkerlik sýbektilerine qalanyń saýda jelileriniń sórelerinde baǵany belgileý úshin jeńildetilgen qaryzdar berý, sondaı-aq óndirýshilerdiń satý baǵalaryn tirkeý. Osylaısha, «Magnum Cash&Carry» saýda jelisine jeńildetilgen qaryz berý esebinen naryqqa áser etý úlesi 40% kelisimshart jasaldy. Osylaısha, atalǵan saýda jelisiniń 54 fılıalynda áleýmettik mańyzy bar azyq-túlik taýarlarynyń 12 túri (1-shi surypty un, qaraqumyq, kúrish, makaron, kúnbaǵys jáne sary maı, taýyq eti, sıyr eti, sút, aıran, súzbe, qant) 2021 jyldyń sońyna deıin tirkelgen, tómendetilgen baǵamen satylady. Almatydaǵy «Toımart» saýda jelisi bolsa 10 túrin 6 aı ishinde (bıylǵy 1 qarashadan bastap kelesi jylǵy 30 sáýirge deıin) tómendetilgen bólshek baǵamen satady.
Búgingi tańda osyǵan uqsas berilgen «aınalymdaǵy» qaryzdar tamaq ónimderin óndirýshilerden satý baǵalaryn bekitýge múmkindik beredi. Mysaly, 2021 jylǵy jeltoqsanǵa deıin qaryz esebinen berilgen «Aqsaı» nan-toqash kombınaty» JSHS-da nannyń satylý baǵasy 75 tg deńgeıinde tirkeledi. «Aqsaınan» zaýytynyń nandarymen barlyq saýda jelileri, 3 myńnan astam úı janyndaǵy dúkender jáne azyq-túlik bazarlary (dıstrıbútorlar arqyly) qamtylǵan. Bul halyqty biryńǵaı baǵamen jáne áleýmettik nanmen qamtamasyz etýge múmkindik beredi. Aıta ketý kerek, bul Qazaqstan boıynsha tirkelgen eń tómen nan baǵasy.
Osy baǵdarlama aıasynda «Asyl Meat» JSHS 2022 jylǵy 1 maýsymǵa deıin 2050 tg/kg bolyp belgilengen baǵa boıynsha 6 fırmalyq dúkende 90,4 tonna sıyr etin (jaýyryn-tós bóligi) satady, bul ortasha baǵadan 364 teńgege tómen.
2024 jyldyń aqpan aıyna deıin qalanyń saýda obektilerine 1-shi sanattaǵy 49,6 mln. dana jumyrtqa (bekitilgen satylý baǵasy – 400 tg/10 dana) jetkizýge «Alsad Qazaqstan» JSHS-ne qaryz berildi. Qazirgi ýaqytta «Magným» saýda jelisiniń barlyq 54 dúkenine jáne «Small» jelisiniń 19 dúkenine jetkizý jumystary júrgizilip jatyr. Sóredegi bekitilgen baǵa 440 tg/10 dana, bul ortasha statısıkalyq kórsetkishten 15%-ǵa tómen.
Búginde áleýmettik mańyzy bar azyq-túlik taýarlaryn qalanyń barlyq iri saýda jelilerine jetkizý joldary talqylanyp jatyr.