«Áýezov úıi» ǵylymı-mádenı ortalyǵynyń Májilis zalynda M.O.Áýezov atyndaǵy Ádebıet jáne óner ınstıtýty, Ulttyq Manas Akademıasy, Halyqaralyq «TÚRKSOI» uıymynyń uıymdastyrýymen Uly manasshy Saıaqbaı Qaralaevtyń 130 jyldyq mereıtoıyna arnalǵan halyqaralyq ǵylymı-tájirıbelik konferensıasy men Qazaq halqynyń uly jazýshysy Muhtar Áýezov jáne Murat Áýezovti eske alý keshi ótti.
İs-sharanyń basty maqsaty – Muhtar Áýezovtiń jáne Saıaqbaı Qaralaevtyń qyrǵyzdyń «Manas» eposyn saqtaýǵa jáne jan-jaqty tanytýǵa qosqan úlesin aıqyndaý.
Konferensıa aıasynda Qazaq jáne Qyrǵyz ádebı muralarynyń ereksheligi taldanyp, ulttyq eposty saqtaý jáne nasıhattaý baǵytynda ózekti máseleler talqylandy.
– Bul is-sharanyń mańyzy zor. Ádebıet men mádenıetke eńbek sińirgen aıyryqsha tulǵalar az bolmaǵan. Ǵylymmen shuǵyldaný, rýhanı jádigerlerdi oı eleginen ótkizip halyqqa usyný úlken qajyr-qaıratty qajet etedi. Ǵalymnyń jazǵan eńbegi urpaqtan-urpaqqa máńgilik mura bolyp qala beredi, – dedi QR UǴA akademıgi, fólklortanýshy ǵalym Kenjehan İslámjanuly.