Ǵalymdar budan bylaı jýrnaldarǵa maqalalar jazýmen ǵana shektelmeı, ǵylymı jańalyqtar ashýlary kerek.
Ǵylym akademıasyna memlekettik mártebe beriledi. Sebebi oı-tujyrym ortalyǵy 20 jyl boıy ǵylymdy basqarý isinen tys qaldy. Prezıdenttiń osy tapsyrmasynan keıin ǵylym salasy qaryshty damýy kerek. Ǵalymdardyń bedeli de aıqyndalyp, jumys isteý tásilderi túbegeıli ózgeredi, dep habarlaıdy Almaty-akshamy.kz Qazaqstan.tv saıtyna silteme jasap.
Bylaısha aıtqanda, jýrnaldarǵa maqala jazýmen shektelmeı, jahandy tań qaldyrar jańalyqtar ashýlary shart. Soǵan saı jaǵdaı da jasalǵaly otyr.
"Birinshiden, bul – Ǵylym akademıasynyń mártebesi. Endi memlekettik mártebesi bolady. Sonymen qatar olarǵa búdjetten qarjy bólinedi. Árıne, bul Qazaqstan ǵylymynyń damýynyń jolyn belgileý, aıqyndaý", - dedi QR Prezıdenti janyndaǵy QSZI Saıası zertteýler bóliminiń meńgerýshisi Ermek Toqtarov.