Shara barysynda 32 buzýshylyq anyqtaldy.
Almaty oblysy boıynsha Qylmystyq-atqarý júıesi departamentinde 21-27 maýsym aralyǵynda ótken «Shartty» jedel aldyn alý is-sharasynyń qorytyndysy shyǵaryldy, dep habarlaıdy Almaty-akshamy.kz.
İshki ister mınıstrliginiń resmı saıtynyń deregi boıynsha, atalmysh is-shara probasıa qyzmetkeriniń esebinde turǵan, qoǵamnan oqshaýlaýǵa baılanysty emes jaza túrlerine sottalǵandar tarapynan jasalatyn quqyq buzýshylyqtyń jáne qylmystyń qaıtalanýynyń aldyn-alý, sondaı aq izdeý jarıalanǵan sottalǵandardyń turǵylyqty jerin anyqtaý maqsatymen uıymdastyrylǵan.
Jalpy is-sharaǵa oblys boıynsha 78 probasıa qyzmetkerleri, 48 jergilikti ýchaskelik polısıa ınspektory tartylǵan bolatyn.
«Jedel aldyn alý is-sharasynyń qorytyndysy boıynsha oblys boıynsha sottalǵandar tarapynan 32 buzýshylyq anyqtaldy. 48 adamǵa qatysty aýdandyq sottarǵa bas bostandyǵyn shekteý jazalaryn bas bostandyǵynan aıyrýǵa aýystyrýǵa materıaldar joldandy. Sondaı-aq, jumyldyrylǵan qyzmetkerlerdiń kúshimen izdeýde júrgen jeti sottalǵan adamnyń ornalasqan jeri anyqtaldy. Qazirgi ýaqytta olar tergeý ızolátoryna qamalyp, sotty kútýde», – dep atap ótti Almaty oblysy boıynsha QAJD bastyǵynyń mindetin atqarýshy Qanat Ashov.