Qazaqstan Respýblıkasynyń Bas prokýratýrasy jáne İshki ister mınıstrliginiń qyzmetkerleri Syrtqy ister mınıstrliginiń kómegimen qarjy pıramıdasyn qurǵany jáne basqarǵany úshin qylmystyq jaýaptylyqqa tartý maqsatynda kúdiktini Grýzıadan ekstradısıalady, dep habarlaıdy Almaty-akshamy.kz Bas prokýratý saıtyna ilteme jasap.
Onyń qurǵan qylmystyq toby 2020 jyly Mańǵystaý oblysynda «Plus Capital» qarjy pıramıdasyn uıymdastyryp, 600-den astam salymshynyń jalpy somasy 3 mlrd. teńgeden astam aqshalaı qarajatyn, jyljymaly jáne jyljymaıtyn múlikterin zańsyz ıemdengen.
Qylmystyq top músheleriniń bir bóligi túrli jaza túrlerine sottaldy, al kúdikti qylmys jasaǵannan keıin jasyrynǵan, soǵan baılanysty halyqaralyq izdestirýge jarıalandy.
2023 jylǵy qarashada ol Grýzıa aýmaǵynda ustaldy.
Qazirgi ýaqytta kúdikti Aqtaý qalasyndaǵy ýaqytsha ustaý ızolátoryna qamaldy.
Osy qylmysty jasaǵany úshin múlki tárkilenip, belgili bir laýazymdardy atqarý quqyǵynan ómir boıyna aıyra otyryp, 7 jyldan 12 jylǵa deıingi merzimge bas bostandyǵynan aıyrý túrindegi jaza qarastyrylǵan.