Erbolat Dosaev Almatydaǵy №70 mektepti kúrdeli jóndeýdi jedeldetýdi tapsyrdy
Almaty ákimi Erbolat Dosaev Bostandyq aýdanyna jumys sapary aralaý kezinde №70 mektep ǵımaratyn kúrdeli jóndeý jáne seısmıkalyq nyǵaıtýdyń barysymen tanysty.
Shamamen 30 jyl buryn salynǵan 1250 oryndyq mektepti jóndeý 2022 jyldyń qarashasynda bastaldy. Alaıda, shartta kózdelgen jyl ishinde merdiger uıym jumys kóleminiń tek 40% - yn ǵana oryndaǵan.
Sondyqtan Qurylys basqarmasy merdigerge qatysty turaqsyzdyq aıyby men memlekettik bajdy óndirip alý týraly sotqa talap aryz berdi.
Aǵymdaǵy jyldyń sáýir aıynda jumystar qaıta jandandy jáne búgingi kúni nysannyń daıyndyǵy 80% - ǵa deıin jetkizildi: shatyr jabyny jabdyqtaldy, ınjenerlik komýnıkasıalar júrgizildi, ishki árleý aıaqtalýda, aýmaqty abattandyrý jáne t.b. júrgizilýde.
Megapolıs ákimi ishki árleý sapasyna qatysty eskertýjasady, kirý tobynyń aldynda nóser sýlaryn burýdy qarastyrýdy tapsyrdy.
«Bul mektepti rekonstýrksıalaý jobasy 2019 jyly ázirlendi jáne onda biz engizip otyrǵan standarttar eskerilmegen. Sondyqtan mektepti sapaly jabdyqtaýǵa erekshe nazar aýdarý kerek. Barlyq jumystardy jańa oqý jyly bastalǵanǵa deıin aıaqtaý qajet», - dep atap ótti Erbolat Dosaev.
