Almaty oblysynda polıseıler kólik tasymaldaýshy alaıaqtardy ustady.
2 mamyrda Astana qalasynyń turǵyny Qarasaı aýdandyq polısıa basqarmasyna aryzdanǵan, ol óz aryzynda belgisiz azamat ózin avtokólik tasymaldaý kompanıasynyń qyzmetkeri retinde tanystyryp, Changan UNI-K avtokóligin ıemdengeni týraly aryzdandy.
"Tergeý barysynda jábirlenýshi Astanadan megapolıske kólik satyp alý úshin ushyp kelgeni belgili boldy. Kólikti satyp alǵannan keıin ınternet jelisi arqyly avtotasymaldaý qyzmetine tapsyrys bergen. Tasymaldaý qyzmetiniń baǵasyn talqylap, ol kiltti kólik júrgizýshisine tapsyrǵan. Alaıda, kelisilgen merzimde avtokólik jetkizilgen joq", – dedi Almaty oblysy PD bastyǵy Baýyrjan Álenov.
Jedel-izdestirý is-sharasyn ótkizý barysynda polıseıler osy qylmysqa qatysy bar eki er adamdy ustady. Avtokólik zańdy ıesine qaıtaryldy. Qazirgi ýaqytta olardyń basqa uqsas qylmystarǵa qatysy bar-joǵy tekserilýde. Tergeý jalǵasyp jatyr.