Grýzıanyń júzim ósiretin aımaǵy Kahetıany qalyń sý basyp jatyr. Birneshe mınýt qana quıǵan nóser men, burshaq sońy, alapat tasqynǵa ulasty, dep habarlaıdy Almaty-akshamy.kz.
24.kz taratqan málimet boıynsha ózender tasyp, joldar men úılerdi, júzim alqaby men baý-baqshalardy shaıyp, úlken zardap ákeldi. Sondaı-aq kúshti jeldiń kesirinen elektr symdary úzilip, birneshe eldimeken jaryqsyz qaldy. Ásirese Gýrd-jaAnı qalasy qatty zardap shekti. Tasyǵan ózenniń sýy, ortalyq kósheni basyp, kólik qozǵalysy toqtap qaldy.
- Gýrdjaanı qalasy sý astynda qaldy. Ortalyq kóshemen júrý múmkin emes tipti. Abyroı bolǵanda, adamdar aman. Barlyq tehnıkany qalpyna keltirý jumysyna jumyldyrdyq, -deıdi Kahetıa gýbernatory Georgıı Aladashvılı.
- Basynda burshaq aralas jańbyr jaýdy. Áp-sátte kóshelerdi sý alyp ketti. Úıdegilerdi dalaǵa shyǵarmaı qoıdym. Buryn osyndaı tasqyn kezinde 2 ul bala qaıtys bolǵan edi. Sodan qatty qorqamyn. Sý asfált joldy shaıyp ketti. Endi bárin qaıtadan isteý kerek, - dedi Gorı qalasynyń turǵyny Mzıa Shatakıshvılı.