Bul jerler jyldar boıy ıgerilmeı, bos jatqan.
Almaty oblysynyń Eńbekshiqazaq aýdanyndaǵy 3500 gektar jaıylymdyq jer memleketke qaıtaryldy, dep habarlaıdy Almaty-akshamy.kz
Bul jer 2017 jyly «Forbs» tizimindegi belgili kásipkerge shalǵaıdaǵy (maýsymdyq) mal sharýashylyǵyna arnalǵan jerler quramynan shyǵarylyp, zańsyz jolymen berilgen edi.
Almaty oblysy prokýratýrasynyń habarlaýynsha, qazirgi ýaqytta osy jerdi jergilikti turǵyndarǵa jaıylymdar úshin beriletin bolyp sheshildi. Osy maqsatta jumys istelinip jatyr.
Sonymen qatar, jyl basynan beri joǵary laýazym ıeleri men iri bıznesmenderge tıesili 26,8 myń ga jer, kadastrlyq quny 714 mln teńge memleket paıdasyna qaıtaryldy.
Bul jerler jyldar boıy ıgerilmeı, bos jatqan. Jemshóp daqyldary ósirilmegen. Sharýashylyqtardyń balansynda maldar da bolmaǵan. Sonyń kesirinen fermerler egistik jáne jaıylymdyq jerlerge óte muqtaj bolǵan.