Oq atqan adam oqıǵa ornyna arnaıy jasaq jetkende óz-ózine qol saldy.
Grýzıanyń İshki ister mınıstrligi ótken túni Sagaredjo qalasynda bolǵan atys saldarynan Kahetıa polısıa bóliminiń aýdandyq bóliminiń aǵa jedel ýákili, polısıa aǵa leıtenanty, 38 jastaǵy Otar Gvınashvılıdiń qaza tapqanyn rastady, dep habarlaıdy Almaty-akshamy.kz QazAqparatqa silteme jasap.
Oqıǵa ornyna alǵashqylardyń biri bolyp jetken ol óz páteriniń balkonynan kóshedegi adamdarǵa oq atqan burynǵy áskerı qyzmetkerdiń qolynan qaza tapty.
İshki ister mınıstrligi marqumnyń otbasyna qaıǵyryp kóńil aıtady.
Qylmystyń sebepteri ázirge belgisiz. 49 jastaǵy Nodar Atýashvılı túngi saǵat bir shamasynda aýlada turǵan kórshilerine avtomattan oq jaýdyrǵan. Oqıǵa ornynda bes adam qaza taýyp, taǵy bes adam jaraqat aldy.
İshki ister mınıstrliginiń málimetinshe, oq atqan adam oqıǵa ornyna arnaıy jasaq jetkende óz-ózine qol saldy.