Halyqaralyq týrnıride ulttyq qurama sportshylary 1 altyn, 1 kúmis jáne 4 qola medal jeńip aldy.
Dortmýnd qalasynda grek-rım kúresinen Germanıa Gran-prıi máresine jetti. Osymen 38-ret uıymdastyrylǵan dodaǵa 23 memleketten balýandar jınaldy, dep habarlaıdy Almaty-akshamy.kz Sportty damytý dıreksıasyna silteme jasap.
Jaraqatyna baılanysty biraz úzilis alǵan Aıdos Sultanǵalı (60 keli) eki kún boıy qarsylas shaq keltirgen joq. Otandasymyz fınalda amerıkalyq Ildar Hafızovty 6-5 esebimen utty.
Fınalǵa shyqqan taǵy bir qazaqstandyq balýan 55 kelidegi Marlan Muqashev kúmis júldeger atandy. Aınalmaly júıe boıynsha ótken synda jarys qojaıyny Fabıan Shmıtt top jardy.
Al 67 kelide Meıirjan Shermahanbet, 72 kelide Ibragım Magomadov, 77 kelide Demeý Jadyraev jáne 130 kelide Álimhan Syzdyqov úzdik úshtikti túıindedi.
Aıta keteıik, Meıirjan Shermahanbet pen Ibragım Magomadov byltyr alǵan jaraqatynan keıin jarysqa endi qatysyp otyr.