Qazgıdromet sınoptıkteri 15 tamyz, seısenbige arnalǵan aýa raıy boljamyn usyndy, dep habarlaıdy Almaty-akshamy.kz.
Atmosferalyq fronttardyń áserinen eldiń basym bóliginde naızaǵaıly jańbyr jaýady, ońtústik-shyǵys pen shyǵysta taýly aýdandarda jaýyn-shashyn (jańbyr jáne jylbysqy qar) jaýady.
Tek respýblıkamyzdyń ońtústigi joǵary atmosferalyq qysym yqpalynda bolǵandyqtan munda jaýyn-shashyn jaýmaıdy.
Respýblıka boıynsha ekpindi jel turady.
Eldiń soltústiginde túnde jáne tańerteń tuman túsedi. Kúndiz Qaraǵandy oblysynyń soltústiginde, shyǵysynda burshaq jaýýy yqtımal.
Kúndiz Atyraý, Aqtóbe, Batys Qazaqstan oblystarynyń basym bóliginde 37°S-qa deıin qatty ystyq bolady.
Atyraý, Mańǵystaý, Jambyl, Qyzylorda, Aqtobe oblystarynda, Qostanaı oblysynyń ońtústiginde, Qaraǵandy oblysynyń ortalyǵynda, Almaty oblysynyń soltústiginde, ortalyǵynda, Túrkistan oblysynyń soltústiginde, batysynda, ońtústiginde, shóldi aýdandarynda, Batys Qazaqstan oblysynyń batysynda, ońtústik-shyǵysynda, ortalyǵynda, Jetisý oblysynyń batysynda tótenshe órt qaýpi bar.
Batys Qazaqstan oblysynyń basym bóliginde, Soltústik Qazaqstan oblysynyń soltústiginde, shyǵysynda, Aqmola oblysynyń batysynda órt qaýpi joǵary.