Ulttyq testileý ortalyǵy bıyl grant konkýrsyna qujat qabyldaý barysynda jalǵan sertıfıkat usynǵan 10 túlekti anyqtady.
Ortalyq sertıfıkattyń túpnusqalyǵyn anyqtaıtyn biregeı QR kody bar ekenin eske saldy, demek jalǵan qujat qalaı bolǵanda da anyqtalady.
Mundaı zańsyz áreket úshin QR Qylmystyq kodeksiniń 385-baby boıynsha qylmystyq jaýapkershilik qarastyrylǵan, dep habarlaıdy almaty-akshamy.kz.
«Myna sertıfıkatta QR-kod ashylmaıdy, sondaı-aq sandar ár túrli shrıftpen, ár túrli kólemde jazylǵan. Sertıfıkattardy qoldan jasaýǵa tyrysýdyń barlyq jaǵdaıy tıisti sharalar qabyldaý úshin quqyq qorǵaý organdaryna joldanady», delingen Ulttyq testileý ortalyǵynyń habarlamasynda.
Aıta keteıik, UBT sertıfıkaty app.testcenter.kz saıtyndaǵy jeke kabınette, certificate.testcenter.kz saıtynda jáne eGov elektrondyq úkimet portalynda qoljetimdi.