Ol Almatynyń Naýryzbaı aýdanyndaǵy jeke sektorda ornalasqan.
Jeke turǵyn úıdiń aýlasynan qarasora egini anyqtaldy, dep habarlaıdy almaty-akshamy.kz Polisia.kz-ke silteme jasap.
Topyraqtan quramynda esirtki bar ósimdiktiń 14 egilgen butasy alyndy.
Sonymen qatar, jazǵy verandadan plasık bótelkelerden, qoldan jasalǵan 2 shylym shegetin qural tárkilendi. Monshadan quramynda erekshe ıisi bar ósimdik tektes zaty bar úsh plasık baılam tabyldy jáne tárkilendi. Sondaı-aq úıdiń birinshi qabatyndaǵy bir bólme esirtkilik ósimdikterdi ósirýge arnalǵandyǵy anyqtaldy, odan 9 túp buta tabylyp, tárkilendi.
– Atalǵan derek boıynsha sot-hımıalyq saraptama taǵaıyndaldy. Qylmystyq is qozǵaldy, — dedi Almaty qalalyq PD esirtki qylmysyna qarsy kúres Basqarmasynyń bastyǵy Murat Jumabaı.
Qazaqstan QR QK-niń 201 babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi, 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.
Aqparat kózi Polisia.kz saıtynda: https://polisia.kz/almatynyng-zheke-sektorynda-fitolaboratoriya-anyqtaldy/