Demalys kúnderi qalada tekserý kúsheıtildi.
Ótken aptada Almatyda karantındik shekteýlerdi buzǵan 40 nysan anyqtaldy. Múddeli memlekettik organdardyń ókilderinen quralǵan mobıldi toptar kúndiz jáne túnde jumys ýaqyty men sanıtarlyq-epıdemıologıalyq normalardy buzatyn úılený toılary men meıramdardy ótkizýge bolatyn kafeler, meıramhanalar men jalǵa alynǵan kotejderdi tekseredi, dep habarlaıdy Almaty-akshamy.kz.
Monıtorıń toptarynyń ókilderi 13-19 qyrkúıek aralyǵynda 166 tekserý júrgizilgenin, 19 zańdy tulǵaǵa 6 373 645 teńgege 141 hattama jasalǵanyn jáne maska rejımin buzǵany úshin 122 adamǵa 5 425 620 teńge kóleminde aıyppul salynǵanyn habarlady.
Demalys kúnderi qalada tekserý kúsheıtildi, kásipkerlik obektileri boıynsha 26 zań buzýshylyq anyqtaldy. Quqyq buzýshylar tiziminde: Raıymbek dańǵylyndaǵy Street Bar, «Aınur» kafesi, «Grand Opera» kesheni, T-Bar laýndj-bary, «Máta na Seıfýllına» laýndj bary jáne Night Star kafesi.
Jyl basynan beri Almatyda 39 972 nysan tekserilip, 3 814-te zań buzýshylyqtar anyqtaldy. Jalpy somasy 461 mıllıon teńgeden asatyn 5 988 hattama jasaldy.
Sarapshylar Almatyda sanıtarlyq-epıdemıologıalyq ahýal turaqsyz bolyp qala beretinin atap ótedi.
Sanıtarlyq dárigerler, jergilikti atqarýshy organdar men polısıa qyzmetkerleri megapolıs turǵyndaryn halyq kóp jınalatyn merekelik sharalardan bas tartýǵa shaqyrady. Barlyq usynystarǵa jaýapkershilikpen qaraý qaýipti ınfeksıanyń taralýyn azaıtýǵa kómektesedi.
Aýrýdyń jańa órshýine jol bermeý úshin sanıtarlyq-epıdemıologıalyq erejelerdi saqtaý, koronavırýsqa qarsy vaksınasıany saldyrý, betperde taǵý, adamdar kóp jınalatyn jerlerge barmaý, qoldy jıi jýý qajet.