Koronavırýstyń sımptomdy tasymaldaýshylarynyń úlesi juqtyrǵandar sanynyń 95%-yn quraıdy.
Koronavırýstyń epıdemıologıalyq jaǵdaıy áli de turaqsyz, ony sanıtarlyq-epıdemıologıalyq baqylaý departamenti mamandarynyń málimetteri dáleldeıdi. Qazirgi kezde kúnine 500-den astam KVI ınfeksıasy tirkelýde, dep habarlady Almaty-akshamy.kz.
Almatynyń SEBD málimeti boıynsha, koronavırýstyń sımptomdy tasymaldaýshylarynyń úlesi juqtyrǵandar sanynyń 95%-yn quraıdy. Infeksıalyq stasıonarlarda 2775 naýqas bar, onyń ishinde 109 bala. Ortasha aýyrlyq dárejesidegi naýqastar - 1480 adam, aýyr jaǵdaıdaǵy - 1183, óte aýyr jaǵdaıda - 112, jansaqtaý bólimindegiler - 266. Taǵy 5723 naýqas telemedısına ortalyǵy qyzmetkerleriniń baqylaýymen úıde emdelýde.
Vaksınalanbaǵan turǵyndar qaýip aımaǵynda tur, sondyqtan COVID-19-ǵa qarsy profılaktıkalyq vaksınany alý qajet. Ásirese, 60 jastan asqan turǵyndardyń alǵany jón, óıtkeni olardyń arasynda dert juqtyrǵandar 12%-dy quraıdy. 20-39 jas aralyǵyndary qala turǵyndary da qaýip aımaǵynda. Osy sanattaǵy dert juqtyrǵandar 28%-ǵa jetti. 45-50 jas aralyǵynda KVI juqtyrǵandar sany 24%-dan astam.
Pandemıa kezinde jeke qorǵanys sharalaryn saqtaý mańyzdy, ásirese adamdar kóp jınalatyn jerlerde, jabyq bólmelerde, betperde taǵý qajet. Epıdemıologıalyq zertteýler boıynsha, Almatyda dert juqtyratyn negizgi oryndar: otbasylyq baılanys - 20,1%, saýda obektileri - 20,8%, onyń ishinde bazarlar - 9,1%, qoǵamdyq kólikter - 19,7%.
Juqpaly aýrýlardyń bastalý maýsymynyń aldynda Almaty turǵyndary koronavırýsqa qarsy vaksınalanýlary tıis. Eldegi vaksınalar jaqsy zertteýden ótkender.
Birinshi komponentpen 928 946 almatylyq, ekinshisimen - 820 220 turǵyn egildi. Onyń ishinde 60 jastan asqandar - 116 677 adam. Megapolıste ekpeni 160 vaksınalaný pýnktiniń birinde alýǵa bolady.
Almaty epıdemıologtarynyń málimeti boıynsha, 20 qyrkúıekte halyqtyń ımýndyq qabaty resmı sannyń shamamen 48,6%-yn quraıdy. Vaksınanyń eki komponentimen egilgender 41,4%-dy, al jyl basynan beri dertten saýyqqandar 7,2%-dy quraıdy.