«Aqorda» rezıdensıasynda tórt memlekettiń tótenshe jáne ókiletti elshileriniń Qazaqstan Prezıdentine senim gramotalaryn tapsyrý rásimi ótti.
Senim gramotalaryn Malaızıa elshisi Mohamad Adlı bın Abdýlla, Saýd Arabıasy Koróldiginiń elshisi Faısal ben Hanıf ál-Kahtanı, Túrkıa Respýblıkasynyń elshisi Mýstafa Kapýdjý jáne Iran Islam Respýblıkasynyń elshisi Álı Akbar Djoýkar tapsyrdy.
Memleket basshysy elshilerdi Qazaqstandaǵy dıplomatıalyq mısıalarynyń resmı túrde bastalýymen quttyqtady.
Qasym-Jomart Toqaev dıplomattar óz mindetterin oryndaý kezinde Qazaqstan Úkimeti olarǵa jan-jaqty qoldaý kórsetetinin atap ótip, elimizdiń atalǵan memlekettermen saıası, ekonomıkalyq baılanystardy qosa alǵanda, barlyq salada tyǵyz qarym-qatynas ornatqan strategıalyq seriktes ekenin jetkizdi. Sonymen qatar Qazaqstan halyqaralyq yntymaqtastyqqa árdaıym ashyq ekenin aıtty.
Rásim sońynda Prezıdent elshilerdiń aldaǵy qyzmetine tabys tilep, olardyń memleketteriniń basshylaryna izgi tilegi men sálemin joldady.