Medeý shatqalynan joǵary Gorelnıktegi tabıǵı ystyq sý shyǵatyn bastaýdyń jańarǵan ári keńeıtilgen alańy qoldanysqa berildi. Jóndeý jumystary kásipker Sergeı Spısynnyń óz qarajaty esebinen júrgizildi.
Aıta ketken jón, Gorelnık alańyndaǵy abattandyrý jumystary alǵash ret 2016 jyly mesenat S.Spısynnyń óz qarajaty esebinen júrgizilgen bolatyn. Nátıjesinde sý rásimderi, demalý jáne sportpen shuǵyldaný úshin qolaıly jaǵdaılar jasaldy.
Búgin jańarǵan alańnyń iske qosylýyna oraı onyń ashylý saltanaty ótti. İs-sharaǵaAlmaty qalasy Týrızm basqarmasynyń basshysy Sabına Amankeldi, kásipker, ekoaktıvıst Sergeı Spısyn, Almaty qalasy Ekologıa jáne qorshaǵan orta basqarmasynyń «Medeý» memlekettik óńirlik tabıǵı parkiniń dırektory Almas Attaphanov jáne qala turǵyndary men qonaqtary qatysty.
- Ystyq sý shyǵatyn bastaýdyń qubyrlaryn, sýǵa túsýge arnalǵan bóshkelerdi jáne sport alańyn jańarttyq. Buryńǵyǵa qaraǵanda sport alańy úsh ese úlkeıdi. Adamdarǵa jaıly demalys oryndaryn jasap, yńǵaılylyq úshin kóptegen jerdi jasandy shóppen japtyq. Barlyq almatylyqtardy munda kelip sportpen aınalysýǵa, sýǵa túsip densaýlyqtaryn kúsheıtýge shaqyramyn. Bári tegin. Tek bir ótinerim – jańartylǵan aımaqty aıalap ustaıyq, – dedi Sergeı Spısyn.
Almaty qalasy Týrızm basqarmasynyń ókilderi S.Spısynǵa azamattyq belsendilik tanytyp, qala kórkeıtýge úles qosqany úshin alǵys aıtty.