Leonardo Dı Kaprıo Qazaqstan úkimetine úndeý jasady.
"Oskar" ıegeri 25 jeltoqsanda Instagram-daǵy paraqshasynda Qazaqstan bıligin joıylyp bara jatqan janýarlar túriniń popýlásıasynyń kóbeıýimen quttyqtady, dep habarlaıdy Almaty-akshamy.kz
"Brakonerlikke qarsy bastamalarǵa, kúshti quqyq qorǵaý organdaryna jáne jańa qorǵalatyn tabıǵı aýmaqtardy qurýǵa qomaqty qarjy bólgen Qazaqstan úkimetin quttyqtaımyz. Olardyń tabıǵatty qorǵaý uıymdarymen, ýnıversıtettermen jáne ǵalymdarmen yntymaqtastyǵy tabıǵatty qorǵaý isindegi shynaıy tabysty mysal", depti Leonardo Dı Kaprıo.
Sonymen qatar "Tıtanık" fılminiń juldyzy kıikterdiń halyqaralyq "Qyzyl kitaptaǵy" "Krıtıkalyq qaýip tónip turǵandar" sanatynan "Qaýip tónip turǵandar" sanatyna aýystyrylýyn sátti dep atady.
"Janýardyń buryn-sońdy bolmaǵan qalpyna kelýi Qazaqstandaǵy aqbókenniń keremet saqtalǵanyn kórsetedi. Bir kezderi, dálirek 2005 jyly 48 000 bas bolǵan bul túr qazir jabaıy tabıǵatta 1,9 mıllıonnan astamǵa deıin ósken", degen Leonardo Dı Kaprıo.
Aıta ketý kerek, akter klımattyń ózgerýi men planetanyń lastanýy máselelerin sheshýge únemi qomaqty qarajat bóledi. Óziniń mansabynda ol ekojúıeler men qaýymdastyqtardyń tepe-teńdigin qalpyna keltire otyryp, jabaıy tabıǵatty joıylýdan qorǵaýǵa baǵyttalǵan eki júzden astam jobany qoldady.
2023 jyldyń 12 jeltoqsanynda Halyqaralyq tabıǵatty qorǵaý odaǵy aqbókenderdiń joıylyp ketý qaýpi tóngen túrler qataryna jatpaıtynyn habarlady. Ejelgi bókender Halyqaralyq "Qyzyl kitapta" qaýip tónýge jaqyn degen sanatqa jatqyzylǵan.