Úndistannyń Nú-Delıinde gir sportynan ótip jatqan álem chempıonatynyń sońǵy eki kúninde qazaqstandyq áskerı qyzmetshiler ulttyq quramanyń qorjynyn taǵy 6 altyn jáne 1 qola júldemen tolyqtyrdy.
Áýe qorǵanysy kúshteriniń eki áskerı qyzmetshisi jeńis tuǵyrynyń birinshi satysynan kórindi. Maıor Ádilhan Nurǵazın 85 keliden joǵary salmaqta julqa, serpe jáne komandalyq estafetada 3 "altyn", sondaı-aq uzaq sıkl boıynsha gir kóterýde qola medal jeńip aldy, dep habarlaıdy Almaty-akshamy.kz
Merzimdi qyzmettegi sarbaz qatardaǵy jaýynger Erbol Daıyrbaı 95 keliden joǵary salmaqta gir tasyn julqı jáne serpe kóterýden eki altyn medal enshiledi.
95 keliden joǵary salmaq dárejesinde taǵy bir joǵary marapat "Shyǵys" óńirlik qolbasshylyǵynyń áskerı qyzmetshisi 3-synypty serjant Suńqar Qýanyshqa buıyrdy.
Buǵan deıin álem birinshiliginiń alǵashqy tórt jarys kúninde Qorǵanys mınıstrligi Ortalyq sport klýbynyń ókilderi úzdikter sapynan kórinip, 6 altyn, 2 kúmis jáne 1 qola medal alǵany aıtylǵan bolatyn.