Sputnik V jáne basqa vaksınalardan keıin de profılaktıkalyq maqsatta egý úshin paıdalanylýy múmkin.
Gamaleıa ortalyǵynyń dırektory Gınsbýrg Sputnik Light arqyly qaıta vaksınalanǵan kezde adam «omıkronnan» 100% qorǵalatynyn atap ótti, dep habarlaıdy Almaty-akshamy.kz Tass.ru saıtyna silteme jasap.
"Omicron" koronavırýsynyń jańa shtamyna qarsy Sputnik V vaksınasynyń tıimdiligi shamamen 75% quraıdy, deıdi ortalyq dırektory Aleksandr Gınsbýrg.
«Jalpy popýlásıada Omicron-ǵa qarsy Sputnik V vaksınasynyń tıimdiligi 75% quraıdy. Eger Sputnik Light kómegimen revaksınasıa jasalsa, onda Omicron-nan 100% qorǵaıdy», - dedi ol.
Gınsbýrgtyń aıtýynsha, qaıta vaksına jasamaǵan adamdarda alty aıdan keıin Sputnik V tıimdiligi shamamen 56-57% bolady.
«Ár jarty jyl saıyn Sputnik Light arqyly qaıta vaksınalaý qajettiligi týraly usynymdar men derekterdiń rastalǵany anyq», - dedi ol.
Ol Sputnik Light qazirgi ýaqytta Sputnik V jáne basqa vaksınalardan keıin de profılaktıkalyq maqsatta egý úshin paıdalanylýy múmkin ekenin aıtty.
«Sputnik V-tiń Omicron shtamyna qatysty tıimdiliginiń tómendeýi segiz ese, bul qorǵanys úshin jetkilikti bolady, al basqa vaksınalardyń tómendeýi 21 ese. Aıyrmashylyq aıqyn. Sondyqtan búgingi kúni bizde tıimdiligi joǵary vaksına bar dep aıta alamyz, ol kúsheıtetin komponent túrinde durys qoldanylsa, bizdiń halyqty qorǵaýdyń barlyq mindetterin tolyǵymen sheshe alady», - dep túıindedi ǵalym.