Joldamalar kóp emes
Shańǵymen tramplınnen sekirý, taý shańǵysy jáne shańǵy qossaıysy boıynsha irikteý kezeńi aıaqtaldy, dep habarlaıdy Almaty-akshamy.kz
Bul sporttan qansha qazaqstandyq Olımpıadaǵa baratynyn eseptelindi.
«Tórt tramplın týrnesi» de, álem kýbogynyń kezeńderi de bizdiń sportshylardyń jaǵdaıyn jaqsartpady. Burynǵydaı bizde erler arasyndaǵy eki-aq kvota bar, olardy Sergeı Tkachenko men Sabyrjan Mýmınov alatyn shyǵar. Bizdiń qurama komandalyq jarysta baq synaýǵa múmkindik alsa, Nıkıta Devátkın men Danıl Vasılev te Beıjińge barady.
Qazaqstanda shańǵy qossaıysynda erler arasynda bir kvota bar. Bul negizinen sportshylarymyzdyń Qurlyqtyq kýbok kezeńderine qatysýyna baılanysty boldy. Bir joldamaǵa birneshe sportshymyz talasady, degenmen Shyńǵys Raqparovtyń múmkindigi kóbirek.
Taý shańǵysynda bizde eki negizgi kvota bar. FIS-upaılar boıynsha qazaqstandyqtar tek slalom men slalom-gıgantta jarysa alady. Osyǵan baılanysty Olımpıadaǵa erler arasynda Zahar Kýchın barady, al áıelder arasynda Karolına Lata baq synaıdy.
Muny ulttyq quramanyń bas bapkeri Alekseı Shýbın de rastady. Degenmen, jańartylǵan Olımpıada tiziminde Mılena Skýbkova FIS-upaılaryn túzetip, endi ol jalǵyz Olımpıada kvotasyna úmitker bolyp otyr.
Eske salaıyq, bıatlon, shańǵy jarysy, frıstaıl, kónkımen júgirýde de irikteý aıaqtaldy, Beıjińde ótetin Olımpıadaǵa qatysatyn short-trekten Qazaqstan quramy jarıalanǵan.
Aıta keteıik, Olımpıadada mánerlep syrǵanaý, kerlıng, hokeı, snoýbord, shana jarysy, bobsleı jáne skeleton jarystaryna Qazaqstan qatyspaıdy.