İshki ister mınıstri Erlan Turǵymbaev İİM senim telefonyna kelip túsken árbir ótinishke muqıat tekserý júrgizýdi tapsyrdy
«İİM senim telefony» (14-02 nemese 71-41-09) azamattar úshin óz quqyqtaryn qorǵaýǵa, qaýipsizdikti qamtamasyz etýge, týystaryn izdestirýge, sondaı-aq qoǵamdyq tártipti qamtamasyz etýde polıseılerge kómek kórsetýdi uıymdastyrýda jaqsy qural boldy, dep habarlaıdy Almaty-akshamy.kz Qazaqparatqa silteme jasap
«İİM senim telefonynyń» nátıjeleri halyqtyń polısıaǵa degen senim deńgeıi artqanyn, turǵyndar men polısıa qyzmetkerleri arasyndaǵy baılanystyń jaqsara túskenin aıqyn kórsetedi. Memleket basshysynyń polısıany servıstik jumys modeline kóshirý týraly tapsyrmasynda dál osyndaı meje kózdelgen bolatyn.
Sondyqtan qazirgi ýaqytta ishki ister organdarynyń qyzmetkerleri azamattardyń árbir ótinishi zańdy sheshimder qabyldaýmen muqıat qaralýy tıis ekenin túsinedi. İİM qyzmetteri kelip túsken barlyq habarlamalardyń naqty monıtorıńin qamtamasyz etedi jáne olardy tolyq sheshkenge deıin qaraýsyz qalmaýyn qadaǵalaıdy.
Búgin beınekonferensbaılanys quraly boıynsha İshki ister mınıstri qyzmetter men aýmaqtyq bólimshelerdiń basshylaryna azamattardyń konstıtýsıalyq quqyqtarynyń múltiksiz saqtalýyn qamtamasyz etýdi, barlyq tergeý áreketterin qylmystyq is júrgizý kodeksiniń normalaryn qatań saqtaı otyryp júrgizýdi tapsyrdy. Budan basqa, mınıstr árbir ótinish boıynsha muqıat tekserý júrgizýdi, onyń nátıjelerin ótinish bastamashylaryna jetkizýdi nemese olardy ınternet resýrstarda ornalastyrýdy talap etti.
Osy maqsatta azamattardy apta saıyn qabyldaý kestesin jasaý, azamattar úshin front-ofıster men qabyldaý bólmeleriniń úzdiksiz jumysy qamtamasyz etildi. İİM-ge júrgizilgen jumys týraly esepter jiberilip turady. Máselen, búgin Atyraý oblysy PD basshylyǵyna polısıa qyzmetkerleriniń densaýlyǵyna zıan keltirý faktisine tekserý júrgizý tapsyryldy. «İİM senim telefonynyń» jumysy jalǵasýda, onyń nátıjeleri týraly jurtshylyqqa únemi habarlanady.