Daýys berýge nıet bildirgen qazaqstandyqtardyń 85% óz tańdaýyn jasaǵan.
Arasynda stýdentter, Germanıada jumys babymen júrgen azamattar, dıplomattar men olardyń otbasy músheleri bar. Jalpy, azamattarymyz úshin eki ýchaske jumys istedi, dep habarlaıdy Almaty-akshamy.kz Qazaqtv.com saıtyna silteme jasap.
Onyń biri Berlındegi Qazaqstan elshiliginde, ekinshisi Maındaǵy Frankfýrt qalasynda ornalasqan bas konsýldyqta ashyldy.
"Men Berlındegi «Mıras» qazaq mádenı ortalyǵynyń tóraıymy bolamyn. Qazaqstan úshin mańyzdy kúnde referendýmǵa azamattyq paryzymyzdy oryndaýǵa keldik. Demalys kúnge qaramastan, otbasymyzben osy balalarymyzdy birge alyp kelip, bizdi kórsin, biz úlgi bolaıyq dep referendýmǵa atsalysyp jatyrmyz. Daýsymyzdy berip keldik, qyzym kómektesti", - deıdi Berlın turǵyny Aınur Mataeva.
Al Grýzıada qazaqstandyqtardyń referendýmǵa qatysýy boıynsha rekordtyq kórsetkish tirkeldi. Statısıkalyq málimetterge súıensek, elde júrgen otandastarymyzdyń 100 prosenti daýys bergen. Grýzıada bir ǵana daýys berý ýchaskesi jumys istedi. Azamattyq ustanymyn bildirý úshin qazaqstandyqtar eldiń ár qıyrynan Tblısıge aǵyldy.
"Grýzıadaǵy Qazaqstan elshiligindegi №277 ýchaskege daýys berý úshin Qazaqstan azamattary keldi. Bizdiń tizimdegilerden ózge tizimde joqtary da boldy, kóp týrıser basqa qalalardan keldi. Borjomı, Batýmı qalalarynyń Tbılısıden qansha alys ekenin bilesizder. Soǵan qaramastan, tańerteń saǵat 7-de ashylǵannan bastap kele bastady. Adamdardyń barlyǵy 100 paıyz daýys berdi. Tbılısı qalasynda daýys berý barysynda mundaı jaǵdaı birinshi ret bolyp tur. Bizde bir de bir búlingen búleten joq. Barlyǵyn sanap shyqtyq", - deıdi Grýzıadaǵy QR elshiligindegi №277 ýchaskelik komısıasynyń Tóraǵasy Jazıra Myrzaqasymova.