PET qaldyqtaryna plasıkalyq bótelkeler, kolbalar jáne uqsas ónimder, sonymen qatar propılen polımerleriniń plasmassalarynyń qaldyqtary, keskishteri jáne synyqtary jatady.
QR Qarjy mınıstrligi Memlekettik kirister komıtetiniń baspasóz qyzmetiniń málimetinshe, otandyq óndirýshilerdi shıkizatpen qamtamasyz etý úshin polıetılentereftalat (PET) qaldyqtaryn eksporttaýǵa alty aıǵa tyıym salyndy, dep habarlaıdy Almaty-akshamy.kz
Qaıta óńdelgen PET shıkizaty, plasıkalyq bótelkeler negizinen Reseı men Ózbekstanǵa jetkiziledi,
«2022 jyldyń 14 maýsymynan bastap Qazaqstan Respýblıkasynyń aýmaǵynan PET qaldyqtaryn áketýge tyıym salynady. Shekteý alty aı boıy kúshinde bolady», - delingen mınıstrliktiń dúısenbi kúni taratqan habarlamasynda.
Habarlamada bul tyıymnyń otandyq polımer ónimderin óndirýshilerdi qoljetimdi shıkizatpen qamtamasyz etý maqsatynda engizilgeni atap ótilgen. Bul shara qazaqstandyq kásiporyndarda óndiris kólemin arttyrýǵa, sondaı-aq óndirilgen ónimniń ózindik qunyn tómendetýge múmkindik beredi dep kútilýde.
Alaıda Qazaqstan jáne EAEO keden zańnamasyna sáıkes kedendik eksport rásimimen ornalastyrylǵan jáne shyǵarylǵan taýarlar buıryq kúshine engen kúnge deıin respýblıka aýmaǵynan kedergisiz áketiledi dep sendirdi mınıstrlik.
PET qaldyqtaryn eksporttaýǵa tyıym salý 2021 jyldan beri talqylanyp keledi. Osylaısha, Qazaqstannyń oraýshylar qaýymdastyǵy qazaqstandyq óńdeýshiler qýatty paıdalanýda problemalardy bastan keshirýine baılanysty Qazaqstannan qaıta óńdelgen PET shıkizatyn eksporttaýǵa tyıym salýdy surady.