Ushaq tas jol boıymen kele jatqan júk kóligimen soqtyǵysqan
Germanıanyń ońtústik-batysynda bir motorly ushaq apatty jaǵdaıda qondy, ushqysh jeńil jaraqat aldy. Bul týraly Pırmazens (Reınland-Pfalsfederaldy jeri) qalasynyń polısıa basqarmasy Twitter-de jazdy dep habarlaıdy Almaty-akshamy.kz.
QazAqparattyń málimetinshe, oqıǵa saǵat keshe, saǵat 12 shamasynda bolǵan. 72 jastaǵy ushqysh ushaqty tikeleı Reınland-Pfalstaǵy 62 avtobanyndaǵy Shvarsbahtalbrúkke kópirine qondyrǵan. Ushaq tas jol boıymen kele jatqan júk kóligimen soqtyǵysqan, júrgizýshi zardap shekken joq.
Ushaq Fransıadan Tómengi Saksonıaǵa ushyp bara jatqanda kenetten qozǵaltqyshy isten shyqqan. Ushqysh ushaqty qaıda qondyratynyn tez arada sheshýge májbúr bolǵan. Shvarsbahtalbrúkke bıiktigi shamamen 100 m, ol Shvarsbah ózeniniń alqabyn kesip ótedi. Avtobanda shamamen saǵat 18:00-ge deıin kólik qozǵalysy tolyǵymen jabyldy.