Jolda abaı bolyńyzdar!
Almaty polısıasy avtokóliktiń tóbesine adam otyrǵyzyp alyp tasyǵan «Mercedes-Benz Gelenvagen» markaly avtomobıldiń júrgizýshisine aıyppul saldy, dep habarlaıdy Almaty-akshamy.kz QazAqparatqa silteme jasap.
«2021 jyldyń 30 qarashasynda áleýmettik jelilerde uıaly telefonnyń kamerasyna túsirilgen, zańǵa qarsy áreketter týraly jazba jarıalandy. Tıisti tekserýler júrgizdik. «Mercedes-Benz» markaly kólik quralynyń júrgizýshisi anyqtaldy. Ol – 1987 jyly týǵan Espolov N.A.esimdi azamat. QR Ákimshilik quqyq buzýshylyq týraly kodekstiń 593-baby 1-tarmaǵy boıynsha (Jolaýshylardy tasymaldaý qaǵıdalaryn saqtamaý) jaýapqa tartyldy», - dep jazdy Almaty Polısıa departamenti bastyǵynyń orynbasary Rýstam Ábdirahmanov Facebook paraqshasynda.
Beınejazbanyń ekinshi qatysýshysyna qatysty tekserý jalǵasýda.
«Jolda abaı bolyńyzdar», - dedi PD bastyǵynyń orynbasary.