Qysqy Olımpıadaǵa 3 myńdaı sportshy qatysady
Qytaıda qysqy Olımpıada oıyndaryna daıyndyq jumystary aıaqtaldy, dep habarlaıdy Almaty-akshamy.kz «Habar24» telearnasyna silteme jasap.
Eske sala ketsek, Olımpıada 4-20 aqpan aralyǵynda Beıjińde ótedi. Odan keıin eki apta boıy paralımpıadashylar ózara myqtyny anyqtaıdy. Qysqy Olımpıadaǵa 3 myńdaı, al paralımıadaǵa 736 sportshy qatysady. Jarystar Beıjiń jáne osy shaharǵa irgeles Iansın aýdany men kórshi provınsıadaǵy Chjanszákoý qalasynda ótedi. Qatynaý yńǵaıly bolý úshin qalaaralyq poıyzdar, avtobýstar men taksı qyzmeti uıymdastyrylady.
Al avtoóklikter úshin jolda arnaıy jolaq bólinedi. Sportshylar Olımpıada aýylynda ornalasady. Belgili bolǵandaı sheteldikter jarsty óz kózimen kóre almaıdy. Al jergilikti kórermenge qatysty másele áli sheshilgen joq.
Barmaıtyn shyǵarmyn, óıtkeni oıyn aıaqtalǵannan keıin karantınde otyrý kerek. Qytaıda ótip jatsa da, oǵan qatysa almaıtynym ókinishti, - deıdi turǵyndar.
Qazan aıynda Qytaı Halyqaralyq olımpıada komıtetimen birlesip, indetke qarsy ortaq erejeni ázirledi. Olımpada ótetin aýmaqta sportshylar, tilshiler men kórermen emin-erkin qozǵalady. Alaıda syrtqa shyǵýdyń arnaıy tártibi bar.
"Jabyq aýmaqtan shyǵýdyń eki joly bar. Jarysqa qatysqan sheteldikterden 48 saǵat buryn PTR-test alynyp, halyqaralyq reısterge qajetti qujatty beriledi. Al oıyndardan keıin Qytaıda qalatyndar karantınge jiberiledi. Oqshaýlaný merzimi jarys kezinde istegen jumys ornyna baılanysty bolmaq", - dedi Beıjiń qysqy Olımpıadasy uıymdastyrý komıteti nasıhat bóliminiń jetekshisi Chjao Veıdýn.
Uıymdastyrý komıteti álemdegi epıdahýaldy jiti baqylap otyr. Saqtyq sharalary da kúsheıgen. Al qazan aıynan beri Olımpıada nysandarynda 8 halyqaralyq jarys ótti.