Zertteý nátıjesi boıynsha kómirtekti nanountaq qospasy engizilgen.
Almatyda asfáltbetondy jabynnyń joǵarǵy qabatyna kómirtekti nanountaq qosylǵan tájirıbelik alań salyndy, dep habarlaıdy Almaty-akshamy.kz QazAqparat-qa silteme jasap.
Almaty qalasynda Tóle bı kóshesiniń boıynda (Ótegen batyr men Saın kósheleriniń aralyǵy) QazjolǴZI mamandary asfáltbetondy jabynnyń joǵarǵy qabatyna kómirtekti nanountaq qosylǵan tájirıbelik alań (uzyndyǵy - shamamen 100 m) saldy.
«Qazaqstan jol ǵylymı-zertteý ınstıtýty» AQ málimetinshe, bul jumys «Jol aktıvteriniń ulttyq sapa ortalyǵymen jasalǵan «Normatıvtik -tehnıkalyq bazany jetildirý bóliginde jol qyzmetin basqarý boıynsha jumystar» kelisimi aıasynda júrgizilip jatyr.
«Negizgi maqsat - tájirıbelik-eksperımentti zertteý nátıjesi boıynsha kómirtekti nanountaq qospasyn engizý arqyly jol bıtýmy men asfáltbetonnyń tehnıkalyq sıpattamalaryn jaqsartý»,- delingen resmı habarlamada.
Aıta keteıik, kómirtekti nanountaq qosylǵan bıtým men asfáltbeton óndirisi «Asfáltbeton-1» JSHS bazasynda jasalǵan.