Mádenı is-shara Qazaqstan men Germanıa arasyndaǵy dıplomatıalyq qarym-qatynastyń 30 jyldyǵyna arnalǵan.
Kórermenderge alǵashqylardyń qatarynda rejıssór Aqan Sataevtyń «Tomırıs» tarıhı kartınasy kórsetildi, dep habarlaıdy Almaty-akshamy.kz Qazaqtv.com saıtyna silteme jasap.
Masagetterdiń patshaıymy men parsylardyń Kır patshasy týraly fılmdi tamashalaý kezinde zal lyq toldy. Akterlardyń oıyny men kostúmderi erekshe áser qaldyrǵan.
Aptalyq aıasynda rejıssór Nurgeldi Sadyǵulovtyń «Balýan Sholaq», Rashıd Súleımenovtiń «Oralý» fılmderi jáne rejıssórler Tilek Tóleýǵazy men Turdybek Maıdannyń «Muzbalaq» múltfılmi jáne basqa da týyndylar kórsetiledi.
«Men jańa ǵana fılmdi kórip shyqtym, kartınadan keremet áser aldym. Ásirese, maıdan dalasyndaǵy kórinister kóńilimnen shyqty. Olardy túsirý, kaskaderlardyń jumysyn, jalpy, búkil úderisti uıymdastyrý óte qıyn. Bul - keremet is jáne tarıhqa tereń boılaýǵa tamasha múmkindik. Erik-jigeri myqty áıeldiń beınesi sátti berilgen. Sosyn, árıne, kostúmder óte qatty unady», - dedi fılmder prodúseri Tereza Klamann.
«Bizdiń maqsatymyz - elimizdiń osy salt-dástúrin, mádenıetin kıno arqyly jergilikti jurtshylyqqa jetkizý. Bul elshiliktiń jeke josparlaǵan is-sharalarynyń biri bolyp tabylady. Qarym-qatynastyń 30 jyldyǵy bolǵandyqtan, árıne, biz osy mereıli jyl aıasynda kóptegen is-sharalardy júzege asyrýǵa josparlap otyrmyz», - deıdi GFR-daǵy QR elshisi Dáýren Karıpov.