Jas talanttardyń baıqaýy uıymdastyryldy
2022 jyldyń 25-27 sáýir aralyǵynda T.Q. Júrgenov atyndaǵy Qazaq ulttyq óner akademıasynda «Qyzğaldaq-2022» İİ Halyqaralyq stýdenttik konkýrs-pleneri ótti, dep habarlaıdy Almaty-akshamy.kz
Jas talanttar baıqaýyn akademıa galereıasy jáne «Kórkemsýret» kafedrasy uıymdastyrdy.
Baıqaýǵa «Keskindeme» baǵyty boıynsha (beıneleý óneri, dızaın jáne qoldanbaly óner salasy) Qazaqstan jáne ózge elderdegi joǵary oqý oryndarynyń stýdentteri shaqyryldy.
Qazaqstan, Ońtústik Koreıa, Ózbekstan, Qyrǵyzstan elderiniń onǵa jýyq ýnıversıtetinen 20-dan asa stýdent óner báıgesinde baǵyn synady.
26 sáýir kúni konkýrs-plener qatysýshylary «Sharyn» shatqalyna saıahat jasap, tabıǵat kórinisinen etúd jazdy.
Al 27 sáýirde Almaty qalasynyń tarıhı, mádenı oryndarymen, kórikti jerlerimen tanysyp, shahardy aralady.
Sondaı-aq osy kúni baıqaý jeńimpazdary men nomınasıa ıegerleri anyqtalyp, jabylý saltanatynda marapattaldy.
Konkýrstyq komısıa quramynda T.Q. Júrgenov atyndaǵy QazUÓA-synyń profesor-oqytýshylary, Qazaqstannyń belgili sýretshileri jáne sheteldik sýretshi mamandar boldy.
Komısıa músheleriniń sheshimi boıynsha jeńimpazdar men arnaıy nomınasıa ıegerleri:
Bas júlde (Gran-Prı) dıplomy – Arykov Dyıkanbek (Turǵynbaı Sadykov atyndaǵy Ulttyq óner akademıasy, Qyrǵyzstan Respýblıkasy)
İ dárejeli dıplom – Smagýlova Janel (Qazaq ulttyq óner ýnıversıteti «Shabyt»)
İİ dárejeli dıplom – Omýrkýlov Baıaman (Turǵynbaı Sadykov atyndaǵy Ulttyq óner akademıasy, Qyrǵyzstan Respýblıkasy)
İİİ dárejeli dıplom – Sqaqova Aqerke (Temirbek Júrgenov atyndaǵy Qazaq Ulttyq óner akademıasy)
«Eń úzdik kompozısıalyq sheshim» – Han Sang (Ońtústik Koreıa, Chýngnam Ulttyq ýnıversıteti)
«Eń úzdik kolorıstik sheshim» – Erkin Qaınar (Abaı atyndaǵy Qazaq ulttyq pedagogıkalyq ýnıversıteti, «Óner, mádenıet jáne sport» ınstıtýty)
«Eń úzdik tabıǵat kórinisi» – Atanbaev Álim (Temirbek Júrgenov atyndaǵy Qazaq Ulttyq óner akademıasy)
«Kórermen kózaıymy» - Mádibergen Nurdáýlet (Temirbek Qarauly Júrgenov atyndaǵy Qazaq Ulttyq óner akademıasy)