El aýmaǵyn qamtıtyn iri týrısik baǵyttar jasaqtaý usynyldy.
Búgin Almatyda týroperatorlarmen, bıznesmendermen, «Kazakh Tourism» ulttyq kompanıasy» AQ jáne Almaty qalasy men oblysy ákimdikteriniń ókilderimen kezdesken Mádenıet jáne sport mınıstri Dáýren Abaev jańa týrısik baǵyttardy qurý jáne jaılastyrý máselelerin talqylady, dep habarlaıdy Almaty-akshamy.kz QazAqparatqa silteme jasap.
«Biz shet elderdegi kóptegen grand týrlardy bilemiz. Mysaly, Shveısarıada búkil el aýmaǵyn qamtıtyn úlken týr ótedi. Ony týrıser bólip-bólip nemese tolyǵymen ótkize alady. Osylaısha, bir saıahatta búkil baǵytty bile alasyz. Marshrýt boıynda túrli taqyryptarǵa arnalǵan, kóliktiń ár túrimen uıymdastyrylatyn, birneshe is-shara usynatyn týrlar qurylýy múmkin», - dep atap ótti mınıstr.
Mınıstrlik osy baǵyttardy josparly túrde damytýdy usynady. Aldymen, tańdalǵan marshrýttardy abattandyrý, ekinshi kezeńde «jumsaq» ınfraqurylymdy jáne marshrýttardy sapaly turǵyda damytý. Kelesi kezeń – týroperatorlarmen birge maqsatty túrde týrlardy belsendi jyljytý. Buǵan deıin «Kazakh Tourism» ulttyq kompanıasy» AQ basqarma tóraǵasy Talǵat Amanbaev pandemıa saldarynan otandyq týrızm mıllıardtaǵan shyǵynǵa batqanyn málim etken.