Nemis Ǵylym jáne bilim mınıstrliginiń delegasıasy bizdiń elge kelip, tasqynmen kúrestegi tájirıbesimen bólispek.
Qazir Qazaqstanǵa sheteldik kásipkerler men turǵyndar da aqsha aýdaryp, meılinshe járdemdesip jatyr. Berlınde Qazaqstanǵa kómek maqsatynda uıymdastyrylǵan qaıyrymdylyq is-shara ótti, dep habarlaıdy Almaty-akshamy.kz 24.kz
Onda jıylǵan jurtqa keıingi 80 jyldaǵy eń alapat tasqyn saldary kórsetildi. Al Germanıadaǵy Qazaqstan elshisi elimizdegi qazirgi ahýal men tasqynǵa tosqyn qoıý sharalary týraly aıtyp berdi.
«Klımattyń ózgerýimen aınalysyp jatqan ǵalym retinde biz úshin qazaqstandyqtarǵa qoldaý kórsetý mańyzdy. Biz Ortalyq Azıada jumys isteımiz. Sonyń ishinde Qazaqstandaǵy sý resýrstaryn zertteımiz. Klımattyń ózgerýi saldarynan bolashaqta mundaı tabıǵat apattary jıileýi múmkin ekenin túsinýimiz kerek», - deıdi Potsdam klımattyń áserin zertteý ınstıtýtynyń ǵylymı qyzmetkeri Iýlıı Dıdovets.
Qaıyrymdylyq sharasyna federaldyq úkimet músheleri, ǵalymdar, kásipkerler, qoǵam qaıratkerleri men stýdentter qatysty. Jıylǵan qaýym sý resýrstaryn basqarý salasynda ortaq zertteýler júrgizip, kadrlar daıarlaý jaǵyn talqylady. Jaqynda elimizge is-saparmen nemis delegasıasy kelý kerek. Quramyna geologıa ınstıtýty men tabıǵat apattaryn zertteý ǵylymı ortalyǵynyń ókilderi kirgen top,,,bizdiń mınıstrlikterlerge keńes beredi.